Nyungkak dagang temuai ngena pakej begambar
MIRI: Mayuh bengkah endur enggau alai lanskap ke manah alai begambar orang baru jadi tauka baru melah pinang di Miri ulih nyadi pakej baru kena ngumpan dagang temuai, kelebih agi gandin melaki bini ke baru jadi, datai ke Miri.Datuk Bandar Lawrence Lai madah, Miri bisi mayuh bengkah lokasi tauka endur ke narit ati sereta manah dipeda, spesial, unik ke agi apin ditemu tauka dipeda bala mensia mayuh ari kandang menua bukai, kelebih agi ari
Semenanjung Malaysia ke patut dibantai enggau pengabis iya awakka ditemu sereta nyadi destinasi orang datai.
Miri ku iya bisi mayuh taman ungkup mensia mayuh ke manah dipeda, tebing tasik sereta enggau rampa menua ke ulih ngasuh manah agi gambar orang baru nikah nya, ari sida ke mina begambar ba studio.
“Tu chara baru kitai kena ngasuh tebilang agi sekeda endur ti manah sereta narit ati di Miri. Bala tukang gambar enggau orang bempu studio tau mega mantu kitai ngemansangka pakej tu,” ku Lai madah sepengudah ke nerima bala raban temuai masa iya ari Chris Studio ba opis iya kemari.
Ku Lai, idea baru ke inovatif besai endar guna lalu patut dikerembaika agi kena promosi Miri ngagai bala dagang temuai awakka sida gagit agi datai ke Miri.
Penatai mayuh agi dagang temuai ke Miri mantu nguatka agi imej Miri nyadi bandaraya endur makai angin sereta ngangkatka agi industri dagang temuai di Miri.
Serimbai enggau nya, iya madah temegah bendar ati laban Chris Studio ke udah promosi Miri ngena laman web sida ke udah mujur narit dua gandin melaki bini ari Johor ngambi gambar nikah sida di Miri.
Dipetik dari BORNEO POST.
Tiada ulasan:
Catat Ulasan